3 декабрь, Шәмбе

22 август 2012 йыл, 10:03

Өфөлә ауыл хужалығы йәрминкәләре миҙгеле башлана

автор: Арина Рәхимҡолова

25-26 августа «Аҡбуҙат» ипподромы алдындағы асыҡ майҙанда йола буйынса «Баллы Башҡортостан» исемле умартасылыҡ продукттары йәрминкәһе үтә. Был хаҡта «Башинформ» агентлығында үткән матбуғат конференцияһында Өфөнөң ҡулланыусылар баҙары идаралығы начальнигы урынбаҫары Зөлфиә Ишбулатова хәбәр итте.

1 сентябрь, Белем көнөндә ҡалала – Серго Орджоникидзе исемендәге майҙанда һәм «Пушкинский» сауҙа-сервис комплексы алдында йәнә ике бал йәрминкәһе үтә. Орджоникидзе районында саралар ике көн дауам итәсәк.

Йәшелсә йәрминкәләре Өфөлә 15 сентябрҙә башланып, һыуыҡтар төшкәнсе дауам итәсәк. Ноябрҙә һауа шарттары айҡанлы сауҙа итеү туҡтатылыр, моғайын. Йылдың һуңғы айында ауыл хужалығы етештереүселәре баш ҡалаға һатыу өсөн ит алып киләсәк.