4 декабрь, Йәкшәмбе

17 август 2012 йыл, 11:08

Республика банкирҙары Түбәнге Новгородта бөтә Рәсәй форумында ҡатнашасаҡ

автор: Әлфиә Шәрәфетдинова

Республика банкирҙары профессиональ форумда ҡатнашыуға саҡырыла. Быйыл бөтә Рәсәй банктар форумы Түбәнге Новгородта 18-19 сентябрҙә үтә. Сараны ойоштороусы булып Рәсәй банктары ассоциацияһы сығыш яһай.

Әлеге форум «Рәсәй төбәктәренең иҡтисади үҫешендә банктар роле артыуы (тенденциялар, тәжрибә, проблемалар)» темаһына үткәрелә.

Кредит биреү мәсьәләләренә, ссуда сифатына күҙәтеүҙә яңы тенденцияларға һәм уларҙың кредит биреү процесына йоғонто яһауына айырыуса иғтибар бүленәсәк.

Банк хеҙмәткәрҙәренән тыш, форумда федераль һәм төбәк дәүләт власы органдары, министрлыҡ һәм ведомство вәкилдәре, эксперттар, ғалимдар ҡатнашасаҡ.

Сара программаһы менән Башҡортостан Республикаһының Кредит ойошмалары ассоциацияһы сайтында танышырға була.