Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 60.14 ↑

EUR 67.14 ↓

23 июнь, Йома

Уфа   °

Эш хаҡы үҫеше инфляция темптарынан алдараҡ барырға тейеш, тип иҫәпләй төбәк башлығы

Иҡтисад

Эш хаҡы үҫеше инфляция темптарынан алдараҡ барырға тейеш. Башҡортостан Президенты Рөстәм Хәмитов республиканың власть органдары алдына тап шундай бурыс ҡуйҙы.

— Кемдер, быға өлгәшеп булмаясаҡ, тип әйтер. Әммә был дәүләттең төп бурысы булып тора. Халыҡ именлеге үҫеше инфляцияға бәйле процестарҙан алдараҡ барһын өсөн дәүләт барлыҡ шарттар булдырырға тейеш, — тип белдерҙе республика башлығы 15 августа үткән БР Хөкүмәте ултырышында. Унда алдағы өс йылға республиканың социаль-иҡтисади үҫеше буйынса төп параметрҙар тикшерелде.

БР Хеҙмәт һәм халыҡты социаль яҡлау министрлығы мәғлүмәттәре буйынса, 2015 йылға республикала бюджет ойошмалары хеҙмәткәрҙәренең эш хаҡы фонды, 2011 йыл менән сағыштырмаса, 1,6 тапҡырға – 258,3 миллиард һумдан 412,7 милиард һумға тиклем артасаҡ. 2012 йылда был һан яҡынса 288 миллиард һум тәшкил итәсәк.

2011 йылда уртаса айлыҡ эш хаҡы, 2010 йыл менән сағыштырмаса, 12,3 процентҡа – 18397 һумға тиклем артты. 2012 йыл аҙағына уртаса эш хаҡы – 20495 һумға тиклем, ә 2015 йылда, 2011 йыл менән сағыштырмаса, 1,59 тапҡырға – 29259 һумға тиклем артасаҡ.

Бюджет өлкәһе хеҙмәткәрҙәренең уртаса эш хаҡы 2015 йылда 2011 йылға ҡарата 1,75 тапҡырға артасаҡ.

Инфляцияға килгәндә, 2012 йылда уның кимәле – 4,8 процент, 2013 йылда – 6,2-7,3 процент тәшкил итергә тейеш, ә 2014-2015 йылдарҙа 4,9-5,9 проценттан ашмаҫҡа тейеш.

Яндекс цитирования
Рейтинг ресурсов "УралWeb" -->
закрыть