11 декабрь, Йәкшәмбе

15 август 2012 йыл, 12:37

Республиканың страховка фондына 9 мең тонна иген һалынған

автор: Арина Рәхимҡолова

Республикала яҙғы бойҙайҙың страховка фонды 21 процентҡа тулыланған, йәғни унда 9 мең тонна иген һалынған.

Ужым культураларының күсмә фондына 36 мең тонна иген (63 процент), 1,159 миллион тонна күп йыллыҡ үлән (50 процент) һалынған.

Иген фондын формалаштырыу төбәктә ураҡ эштәре менән бергә алып барыла. График тығыҙ булыуға ҡарамаҫтан, Иглин, Илеш, Нуриман һәм Стәрлетамаҡ райондары хужалыҡтары яҙғы сәсеүгә орлоҡ әҙерләүҙе тамамлаған.

Шулай уҡ республиканың 18 районы – ужым культураларының күсмә фондын, 9 районы күп йыллыҡ үләндәр орлоғо фондын тулыһынса әҙерләгән, тип хәбәр иттеләр БР Ауыл хужалығы министрлығының матбуғат хеҙмәтенән.