10 декабрь, Шәмбе

14 август 2012 йыл, 14:44

Өфөлә тәүге Йәмәғәт именлеге үҙәге булдырылды

автор: Ольга Мортазина

Өфөнөң Дим районында ҡалала тәүге Йәмәғәт именлеге үҙәге булдырылды. Ул йәмәғәт именлеген һаҡлауҙа, бәлиғ булмағандар менән эшләүҙә һәм төҙөкләндереүҙә ҡалаға һәм үҙҙәренең хеҙмәттәштәренә ярҙам итергә теләгән милиция ветерандарын берләштерә. «Дим ветерандары полиция һәм хакимиәт хеҙмәткәрҙәре менән берлектә район буйлап беренсе рейд үткәрҙе, халыҡ менән көнүҙәк мәсьәләләрҙе тикшерҙе. Алдағы ваҡытта ошондай уҡ үҙәктәр Өфөнөң Орджоникидзе һәм Калинин райондарында асыласаҡ», — тип хәбәр иттеләр БР буйынса Эске эштәр министрлығының матбуғат хеҙмәтенән.