11 декабрь, Йәкшәмбе

13 август 2012 йыл, 15:28

Республикала «Бизнес-йәй 2012» йәштәр фестивале асыла

автор: Любовь Колоколова

Дүшәмбе, 13 августа, Башҡортостанда VI «Бизнес-йәй» Төбәк-ара йәштәр фестивале асыла. Ул «Павловка паркы» туристик үҙәге биләмәһендә үтәсәк.

Форумды ойоштороусылар булып Башҡортостандың Йәштәр сәйәсәте һәм спорт министрлығы, төбәктең Эшҡыуарлыҡ ойошмалары ассоциацияһы һәм «КУБ» бизнес менән идара итеү клубы сығыш яһай. Алты көнлөк проектта 35 йәшкә тиклемге яңы эш башлаған, буласаҡ һәм уңышлы эшләп йөрөгән эшҡыуарҙар ҡатнаша.

БР Эшҡыуарлыҡ ойошмалары ассоциацияһының башҡарма директоры Ирина Абрамова билдәләүенсә, әлеге фестиваль Владимир Тарасовтың уникаль системаһы буйынса бизнес-лагерь форматында үтәсәк. Быйыл сарала Башҡортостандың ҡала һәм райондарынан тыш, Омск, Санкт-Петербург, Ырымбур һәм Рәсәйҙең башҡа ҡалаларынан да йәштәр ҡатнаша.

«Бизнес-йәй 2012» фестивале 18 авгусҡа тиклем дауам итә.