6 декабрь, Шишәмбе

09 август 2012 йыл, 11:11

Мәскәүҙә Рәсәй туриндустрияһы лидерҙары билдәләнәсәк

автор: Любовь Колоколова

Мәскәүҙә 16-сы «Туриндустрия лидерҙары – 2012» халыҡ-ара конкурсы үтәсәк. Ойоштороу комитеты конкурста ҡатнашыуға заявкалар ҡабул итә башланы, тип хәбәр иттеләр Башҡортостан Республикаһының Эшҡыуарлыҡ һәм туризм буйынса дәүләт комитетынын.

Премия 19 номинация буйынса тапшырыласаҡ, улар араһында — «Иң яҡшы төбәк туристик фирмаһы», «Туризмды үҫтереүгә өлөш индергән өсөн», «Туризмды үҫтереүҙәге ҡаҙаныштар өсөн», «Йылдың иң яҡшы туроператоры», «Хеҙмәтләндереү сифаты».

Балалар патриотик туризмы өлкәһендә эшләгән компанияларға «Балаларға Рәсәй бүләк итәйек» блогындағы программалар һәм туристик индустриялағы инвестиция проекттары өсөн айырым награда тапшырыласаҡ.

Ағымдағы йылдың 23 ноябрендә үтәсәк лауреаттарҙы наградлау тантанаһында дәүләт власы органдары, төбәк хакимиәттәре, туризм буйынса милли офистар, туристик компаниялар, шифаханалар, ҡунаҡханалар вәкилдәре ҡатнашасаҡ.