3 декабрь, Шәмбе

06 август 2012 йыл, 16:54

Башҡортостан Президенты БР Хөкүмәте эшмәкәрлегенә ҡағылышлы бер нисә указға ҡул ҡуйҙы

автор: «Башинформ»

Башҡортостан Президенты Рөстәм Хәмитов бер нисә указға ҡул ҡуйҙы, уларға ярашлы ул Башҡортостан Республикаһы Хөкүмәте менән етәкселек итеүҙе үҙ өҫтөнә алды, БР Хөкүмәтенең беренсе вице-премьеры вазифаһын булдырҙы, шулай уҡ БР Хөкүмәте ағзалары араһында вәкәләттәр бүлеүгә үҙгәрештәр индерҙе.

Индерелгән үҙгәрештәргә ярашлы, Башҡортостан Республикаһы Хөкүмәте Премьер-министры бурыстарына республика Президенты ҡушҡан эштәрҙе башҡарыуға контроллек итеү, БР Сәнәғәт һәм инновацион сәйәсәт министрлығы, БР Тарифтар буйынса дәүләт комитеты эшмәкәрлеген координациялау инә.

Башҡортостан Республикаһы Хөкүмәтенең беренсе вице-премьеры вазифаһына Рәүф Ноғоманов тәғәйенләнде. Ул Өфөлә Шанхай хеҙмәттәшлек ойошмаһы һәм БРИКС илдәренең халыҡ-ара саммитын үткәреүгә әҙерлек, шулай уҡ төҙөлөш һәм транспорт мәсьәләләрен контролдә тотасаҡ.

Вице-премьер Сергей Афонин элеккесә торлаҡ-коммуналь хужалыҡ өлкәһе өсөн яуап бирә. БР Хөкүмәте премьер-министры урынбаҫары Фидус Ямалетдиновҡа БР Мәғариф министрлығы эшмәкәрлеген координациялау бурысы өҫтәлде, тип хәбәр иттеләр Башҡортостан Прездиентының матбуғат хеҙмәтенән.