4 декабрь, Йәкшәмбе

06 август 2012 йыл, 13:53

Баш ҡалала рәсми рәүештә 7400 эшһеҙ иҫәпләнә

автор: Галина Бахшиева

Башҡортостан баш ҡалаһында рәсми рәүештә теркәлгән эшһеҙлек кимәле әлеге ваҡытта 1,31 процент тәшкил итә. Өфөнөң Халыҡ мәшғүллеге хеҙмәтендә әлегә 7800-ҙән ашыу кеше иҫәптә тора, уларҙан 7400 кеше – эшһеҙ.

«Башинформ» агентлығына баш ҡаланың Халыҡ мәшғүллеге үҙәгенән хәбәр итеүҙәренсә, ҡаланың вакансиялар банкында 18500-ҙән ашыу буш эш урыны иҫәпләнә. Өфөнөң хеҙмәт баҙарындағы көсөргәнешлек коэффициенты, йәғни эшһеҙҙәр менән вакансиялар нисбәте 0,42-гә тиң.

2012 йыл башынан Өфөнөң Халыҡ мәшғүллеге хеҙмәте ярҙамында йәмғеһе 14 меңгә яҡын кеше эшкә урынлаштырылған, 1500 кеше баш ҡаланың хеҙмәт баҙарында талап ителгән һөнәрҙәр буйынса уҡырға ебәрелгән.