7 декабрь, Шаршамбы

06 август 2012 йыл, 11:16

Башҡортостан Халыҡ-ара Аксаков байрамына әҙерләнә

автор: Арина Рәхимҡолова

Башҡортостан Республикаһы Президенты Рөстәм Хәмитов XXII Халыҡ-ара Аксаков байрамы саралары планын раҫланы. Байрам яҙыусы Сергей Тимофеевич Аксаковтың тыуыуына 221 йыл тулыуға арнала, тип хәбәр иттеләр БР Хөкүмәтенең матбуғат хеҙмәтенән.

Раҫланған графикка ярашлы, тантаналы саралар 20-30 сентябрҙә үтә. Ағымдағы йылда Аксаков байрамы Рәсәй тарихы йылына, Бәләбәй районы Надеждино ауылындағы Аксаковтар ғаиләһе музейына 10 йыл тулыуға һәм Аксаков фондына 20 йыл тулыуға арналған саралар сиктәрендә ойошторола. Йола буйынса байрам Өфө ҡалаһында, Бәләбәй, Ҡырмыҫҡалы һәм Өфө райондарында үткәреләсәк.