8 декабрь, Кесе йома

01 август 2012 йыл, 10:17

Стәрлетамаҡ районы иген урып һуғыу буйынса беренсе килә

автор: Арина Рәхимҡолова

Башҡортостан майҙандарының 35 процентында (598 мең гектар) ужым арышы һәм ҡуҙаҡлы иген культуралары урып йыйылған, 32 процентында (552 мең гектар) – һуғылған, тип хәбәр иттеләр БР Ауыл хужалығын консультациялау үҙәгенән.

Йәмғеһе төбәктә 622 мең тонна иген тупланған. Уртаса иген уңышы гектарынан 11,3 центнер тәшкил итә.

Архангел, Благовещен, Дүртөйлө һәм Көйөргәҙе райондары хужалыҡтары баҫыуҙарының яртыһынан ашыуында иген йыйып алған.

Иген урып һуғыу буйынса беренсе урында Стәрлетамаҡ районы килә – 56,4 мең тонна, тип хәбәр иттеләр БР Ауыл хужалығы министрлығының матбуғат хеҙмәтенән.

темалар: ауыл хужалығы