9 декабрь, Йома

25 июль 2012 йыл, 14:25

Ирек Ялалов юл эштәре сифаты менән ҡәнәғәт түгел

автор: Арина Рәхимҡолова

Ҡала хужалығы объекттарына капиталь ремонт үткәреү программаһына ярашлы ағымдағы йылда Өфөлә яҡынса дүрт миллиард ярым һумға 80-дән ашыу объектта (магистраль, урам, майҙан, бульварҙарҙа) ремонт үткәреү ҡаралған. Был хаҡта Өфө хакимиәтендә сираттағы оператив кәңәшмәлә Коммуналь хужалыҡ һәм ҡаланы төҙөкләндереү идаралығы начальнигы Владимир Чернов хәбәр итте. Капиталь ремонт буйынса эштәр әлеге ваҡытта баш ҡаланың барлыҡ административ райондарында урынлашҡан 27 объектта башҡарыла.

Ҡала хакимиәте башлығы Ирек Ялалов юл эштәре башҡарыу сифатын ҡаты тәнҡиткә алды. Сифат яғынан ҡәнәғәтләндермәгән эштәр өсөн хакимиәт түләмәйәсәк, тип һыҙыҡ өҫтөнә алды ул.

Шулай уҡ, мэр ҡушыуына ҡарамаҫтан, юл япмаһы сифатына контроллек итеү лабораторияһы әлегә тиклем булдырылмаған. Ирек Ялалов иң ҡыҫҡа сроктарҙа асфальтты етештереү, транспортлау һәм түшәү этаптарында экспертиза процесын яйға һалыуҙы талап итте.