10 декабрь, Шәмбе

24 июль 2012 йыл, 13:59

Ҡалтасы районында 18 йәшлек егет батып үлгән

автор: Арина Рәхимҡолова

Рәсәй Ғәҙәттән тыш хәлдәр министрлығының БР буйынса Баш идаралығы мәғлүмәттәре буйынса, үткән тәүлектә һыуҙа ике бәхетһеҙлек осрағы теркәлгән. Бер кеше һәләк булған, икәүһен ҡотҡарғандар.

Бәлә Ҡалтасы районының Вәсил ауылы янында булған. Бында, Танып йылғаһының һыу инеү өсөн йыһазландырылмаған урынында, 18 йәшлек егет батып үлгән.

Өфөлә ҡотҡарыусылар батып барған 27 һәм 28 йәшлек егеттәргә ярҙам итеп өлгөргән. Улар, Йылы күлдә (Калинин районы) һыу ингән, тип хәбәр иттеләр Рәсәй Ғәҙәттән тыш хәлдәр министрлығының БР буйынса Баш идаралығының матбуғат хеҙмәтенән.