5 декабрь, Дүшәмбе

23 июль 2012 йыл, 11:17

Стәрлетамаҡта «Мөхәммәтсәлим» мәсете төҙөлә

автор: Марина Шумилова

Ураҙа айы башланыр алдынан Стәрлетамаҡта, Ҡаранай Моратов урамында «Мөхәммәтсәлим» мәсетенә тәүге нигеҙ ташы һалынды. Тантаналы сарала ҡала хакимиәте башлығы урынбаҫары вазифаһын ваҡытлыса башҡарыусы Владимир Куликов, мәҙәниәт бүлеге начальнигы Зөфәр Зиннәтуллин, проект инициаторы Салауат Яппаров, ҡаланың дини кешеләре ҡатнашты, тип хәбәр иттеләр ҡала округы хакимиәтенең киң мәғлүмәт саралары менән бәйләнештәр буйынса бүлегенән.

— Мәсет төҙөүгә рөхсәт ҡағыҙын өс ай элек алдыҡ, — тип билдәләне Салауат Яппаров. – Киләсәктә бында мәҙрәсә һәм пансионат асылыр, тип ышанам.

Төҙөлөп ятҡан мәсет 250 кешегә иҫәпләнгән, бында бер манара һәм ике зал буласаҡ. Ғибәҙәтхана биләмәһендә ял зонаһын булдырыу планлаштырыла.