Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 58.53 ↑

EUR 69.33 ↓

25 ноябрь, Шәмбе

Уфа   °

Рөстәм Хәмитов Вәлиулла хәҙрәт Яҡуповтың һәләк булыуы сәбәпле яҡындарының ҡайғыһын уртаҡлаша

Сәйәсәт

Башҡортостан Президенты Рөстәм Хәмитов Татарстан Республикаһы Президенты Рөстәм Миңнехановҡа телеграмма ебәрҙе, унда ул Вәлиулла хәҙрәт Яҡуповтың һәләк булыуы сәбәпле уның туғандарының һәм яҡындарының, Татарстан мосолмандарының ҡайғыһын уртаҡлаша, тип хәбәр иттеләр республика башлығының матбуғат хеҙмәтенән. «Ул дини һәм тарихи хеҙмәттәр авторы, әүҙем публицист һәм ислам динен популярлаштырыусы, экстремизмға ҡаршы көрәшеүсе булды. Вәлиулла хәҙрәт конфессия-ара диалогты, дәүләт һәм дини ойошмаларҙың үҙ-ара тығыҙ хеҙмәттәшлек итеүен нығытыуға ҙур өлөш индерҙе. Был ҡурҡыныс афәт тураһындағы яңылыҡ республика халҡының йөрәктәрендә ҡайғылы ауаз тапты. Изгелек һәм ғәҙеллек идеалдары менән йәшәгән яҡташыбыҙ, дини эшмәкәр һәм гуманист, йәштәрҙең остазы һәләк булды. Уның хаҡында яҡты хәтер беҙҙең йөрәктәрҙә мәңге һаҡланасаҡ», – тиелә телеграммала.

Яндекс цитирования
Рейтинг ресурсов "УралWeb"
закрыть