10 декабрь, Шәмбе

09 июль 2012 йыл, 13:44

Айҙар Суфиянов БР торлаҡ-коммуналь хужалыҡ министры урынбаҫары итеп тәғәйенләнде

автор: Рәсүл Хәмиҙуллин

Айҙар Рәфҡәт улы Суфиянов Башҡортостандың торлаҡ-коммуналь хужалыҡ министры урынбаҫары итеп тәғәйенләнде. Был турала ведомствоның матбуғат хеҙмәте хәбәр итә.

Айҙар Суфиянов 1972 йылдың 21 июлендә Туймазы ҡалаһында тыуған. 1995 йылда — «Ауыр иреүсән металл булмаған һәм силикат материалдарҙың химик технологияһы» белгеслеге буйынса Иваново дәүләт химия-технология академияһын, 2000 йылда «Юриспруденция» белгеслеге буйынса Башҡортостан Республикаһы Президенты ҡарамағындағы Башҡортостан дәүләт хеҙмәте һәм идара итеү академияһын тамамлаған.

Бынан алда Туймазы районы хакимиәте башлығы була.