5 декабрь, Дүшәмбе

09 июль 2012 йыл, 13:25

Республикала яңы уңыш игененең тәүге тоннаһы һуғып алынды

автор: Ғәлиә Нәбиева

Ейәнсура һәм Көйөргәҙе районы игенселәре яҫмаларҙы йыйып, иген һуғыуға төштө. БР Ауыл хужалығы министрлығы белгестәренең мәғлүмәттәренә ярашлы, әле йәмғеһе 1890 кг ашлыҡ һуғып алынған.

— Республиканың һигеҙ районы хеҙмәтсәндәре ураҡ эштәрен алып бара, — тип аңлатма бирҙеләр ураҡ барышына аграр ведомствола. – Бөгөн, 9 июлдә, республиканың үҙәк райондары ла ашлыҡты урып йыйыу кампанияһына ҡушыласаҡ.

Ураҡтың тәүге аҙналарында ужым арышын яҫмаға һалалар, артабан комбайндар иген һуғыуға сыға. Киләһе аҙнанан иһә игенселәр туранан-тура урып-һуғыуға күсергә ниәтләй.

Башҡортостанда был арала дүрт мең гектарҙан ашыу майҙанда иген культуралары сабылған. 1650 гектарында иген һуғылған.