7 декабрь, Шаршамбы

29 июнь 2012 йыл, 9:30

Өфөләге тығындарҙы реаль ваҡыт режимында күҙәтеп барырға мөмкин

автор: Розалия Вәлиева

Ҡала юлдарында барлыҡҡа килгән тығындарҙы иҫәпкә алып, Өфө водителдәре хәҙер маршруттарын икенсе төрлө һала ала — Өфө хакимиәтенең сайтында «Яндекс-тығындар» сервисы нигеҙендә эшләүсе «Карталар» бүлеге барлыҡҡа килде.

Әлеге ваҡытта картаның өс интерактив режимынан «Тығындар» режимы тулы ҡеүәтенә эшләй. Яҡын арала «Төҙөлөш» һәм «Ремонт эштәре» опциялары ҡулланылышҡа индереләсәк. Карталағы ҡыҙыл уҡ — был участкала барлыҡҡа килгән тығындар, һарыһы транспорт ағымының аҡрын тиҙлеге тураһында һөйләй. Ә йәшел менән билдәләнгән участкаларҙа тиҙлекте кәметмәйенсә йөрөп була.