10 декабрь, Шәмбе

27 июнь 2012 йыл, 16:40

Павловкалағы банкоматтан 2,5 млн һум аҡса урлағандар

автор: Ольга Мортазина

Нуриман районының Павловка ҡасабаһында төнөн билдәһеҙ кешеләр банкоматты ватып, 2,5 миллион һум аҡса урлаған. Сауҙа павильоны стенаһына беркетелгән банкоматта бер ниндәй һаҡлау сараһы ла булмаған. Видеокүҙәтеү тышҡы яҡтан ғына алып барылған, әммә енәйәтселәр аппаратҡа сауҙа нөктәһе аша үткән. Магазинда сигнализация менән һаҡсы ғына түгел, хатта рәшәткәләр ҙә булмаған.

«Март айында уҡ участка полицейскийы етешһеҙлектәрҙе бөтөрөргә күрһәтмә биргәйне, әммә бер нәмә лә эшләнмәгән», — тип хәбәр иттеләр БР буйынса Эске эштәр министрлығының матбуғат хеҙмәтендә. Енәйәт урынында криминалистар эшләй, ҡараҡтарҙы эҙләүгә республика Эске эштәр министрлығының Енәйәттәрҙе тикшереү идаралығы хеҙмәткәрҙәре лә йәлеп ителгән.

темалар: урлау