9 декабрь, Йома

26 июнь 2012 йыл, 16:43

Әбйәлилдә ауылдаштар осрашыуы үтә

автор: Людмила Терновая

Әбйәлил районында традицион «Һаумыһығыҙ, ауылдаштар» байрамы үтә. Беренсе булып осрашыуҙы район үҙәге янындағы ҙур булмаған Ярлыҡап ауылы халҡы үткәрҙе, тип хәбәр иттеләр район хакимиәтенең мәғлүмәт-аналитика бүлегенән.

Ошо арала бөтә республиканан һәм күрше өлкәләрҙән ҡайтҡан ауылдаштарын Йәлембәт, Селивановка, Мәхмүт ауылы халҡы ҡаршы алды. Байрамға әҙерлек барышында бөтә ауыл биләмәләре, йәмәғәт биналары, зыяраттар төҙөкләндерелә, юлдар ремонтлана.

«Һаумыһығыҙ. ауылдаштар» байрамы сиктәрендә Байым ауыл советы ауыл биләмәһенә ҡараған Рәхмәт ауылында Башҡортостанда иғлан ителгән Имен бала саҡ һәм ғаилә ҡиммәттәрен нығытыу йылына, Рәсәй Федерацияһындағы Тарих йылына арналған Урамдар байрамы үткәрелгән. Унда сәләмәт тормош алып барған 30-ҙан ашыу өлгөлө ғаилә билдәләнгән. Йырсы Абдулла Солтанов, Учалы районы Баттал ауылының «Осҡон» балалар бейеү ансамбле, Байым мәҙәниәт йорто коллективы ҡатнашлығында концерт байрамдың иң сағыу биҙәгенә әүерелгән.

темалар: байрам