Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.37

EUR 63.12

16 ғинуар, Дүшәмбе

Уфа   °

Дәүләт Думаһы хәрби хәрәкәттәр ветерандарына торлаҡ алыуға аҡсалата түләү биреү тураһындағы закон проектын тикшерә

Сәйәсәт

19 июндә Дәүләт Думаһы беренсе уҡыуҙа «Ветерандар тураһында»ғы Федераль закондың 23.2 статьяһына үҙгәрештәр индереү хаҡында»ғы Федераль закон проектын (хәрби хәрәкәттәр ветерандарына торлаҡ төҙөүгә йәки һатып алыуға бер тапҡыр бирелә торған аҡсалата түләү тураһында) тикшерҙе, уның авторҙарының береһе булып Башҡортостандан депутат Иршат Фәхретдинов сығыш яһай.

Закон проекты «Ветерандар тураһында»ғы законды положение менән тулыландырыуҙы күҙ уңында тота. Положениеға ярашлы, торлаҡ шарттарын яҡшыртыуға мохтаж булған һәм 2005 йылдың 1 ғинуарына тиклем иҫәпкә торған хәрби хәрәкәттәр инвалидтарын, хәрби хәрәкәттәр ветерандарын, хәрби хеҙмәт бурысын (хеҙмәт бурысын) үтәгәндә йәрәхәт, контузия алыу һөҙөмтәһендә инвалид булған хәрби хеҙмәткәрҙәрҙе һәм эске эштәр органдары, Янғынға ҡаршы дәүләт хеҙмәте, енәйәт-башҡарыу системаһы учреждениелары һәм органдары хеҙмәткәрҙәрен һәм начальниктарын, шулай уҡ һәләк булған (үлгән) хәрби хәрәкәттәр инвалидтарының һәм ветерандарының ғаилә ағзаларын торлаҡ менән тәьмин итеү уларға торлаҡ төҙөүгә йәки һатып алыуға бер тапҡыр бирелә торған аҡсалата түләү биреү ярҙамында башҡарыла ала.

Күрһәтелгән түләү граждандың яҙма ғаризаһы буйынса биреләсәк. Шул уҡ ваҡытта күрһәтелгән категория граждандарына торлаҡ төҙөүгә һәм һатып алыуға бер тапҡыр бирелә торған түләү биреү тәртибе Рәсәй Федерацияһы субъекттарының ҡануниәте менән билдәләнәсәк.

2012 йылдың 1 ғинуарына ҡарата мәғлүмәттәр буйынса, торлаҡ шарттарын яҡшыртыуға мохтаж булған һәм 2005 йылдың 1 ғинуарына тиклем иҫәпкә торған хәрби хәрәкәттәр ветерандары һәм инвалидтары, һәләк булған йәки үлгән хәрби хәрәкәттәр ветерандарының һәм инвалидтарының ғаилә ағзалары һаны 45380 кеше тәшкил итә.

Яндекс цитирования
Рейтинг ресурсов "УралWeb" -->
закрыть