7 декабрь, Шаршамбы

19 июнь 2012 йыл, 14:26

Сит ил фоторәссамдары Башҡортостандың Урал аръяғында булды

автор: Розалия Вәлиева

«Урал аръяғы-2012.Тәбиғәт.Кеше.Мәҙәниәт» халыҡ-ара акцияһы сиктәрендә Рәсәй һәм сит ил рәссамдары ҡатнашлығында фототур үтте, тип хәбәр иттеләр Республика халыҡ ижады үҙәгенән.

Турциянан рәссамдар Сыткы Фират, Ибраһим Демирель, Италия фоторәссамы Франческо Джорджио, «Татарстан» журналынан Солтан Исхаҡов, Ҡазан фоторәссамы Рифҡәт Яҡупов республиканы фотоаппарат объективы аша тәүге тапҡыр күрҙе.

Маршрут Ҡырмыҫҡалы районынан башланды, фотографтар Бөрйән, Хәйбулла, Әбйәлил райондарында, Сибай ҡалаһында булды.

Акция һөҙөмтәләре буйынса ҡатнашыусыларҙың күргәҙмәһе Анкара, Мәскәү, Өфө, Ҡазан ҡалаларында үтәсәк. Шулай уҡ иң яҡшы эштәр тупланған фотоальбом сығарыу планлаштырыла.  

темалар: күргәҙмәләр