7 декабрь, Шаршамбы

13 июнь 2012 йыл, 10:29

Рөстәм Хәмитов Башҡортостан халҡын Рәсәй көнө менән ҡотланы

автор: "Башинформ" | фото: Олег Яровиков

12 июндә Башҡортостан Президенты Рөстәм Хәмитов Өфөнөң В.И.Ленин майҙанында булды. Унда Рәсәй һәм Ҡала көндәрен байрам итеү уңайынан «Ер йөҙөндәге иң шәп ҡала» концерты үтте. Республика башлығы Өфө халҡы һәм ҡала ҡунаҡтары алдында сығыш яһаны, улар менән бергәләп байрам салютын ҡараны, тип хәбәр итте БР Президентының матбуғат хеҙмәте.

— Мин һеҙҙе байрам – Рәсәй һәм Ҡала көндәре менән ҡотлайым, — тине республика башлығы. — Беҙ бөйөк илдә, бик матур республикала, иҫ киткес гүзәл ҡалала йәшәйбеҙ, тип әйтергә теләйем. Беҙ илебеҙҙе, республикабыҙҙы, ҡалабыҙҙы һаҡлаясаҡбыҙ. Һәм, әлбиттә, халҡыбыҙ өсөн барыһын да эшләйәсәбеҙ.