11 декабрь, Йәкшәмбе

09 июнь 2012 йыл, 14:18

11 һәм 12 июндә Өфөнөң ике урамында хәрәкәт сикләнә

автор: Әлфиә Шәрәфетдинова

Өфө ҡалаһы ҡала округы хакимиәте 11 һәм 12 июндә транспорт хәрәкәтендә үҙгәрештәр буласағы тураһында иҫкәртә. Ғәҙәттәгесә, Рәсәй һәм Ҡала көндәрен билдәләү арҡаһында баш ҡаланың ике төп магистралендә — Ленин урамы менән Октябрь проспектында ваҡытлыса сикләүҙәр индереләсәк.  

11 июндә иртәнге 8-ҙә Ленин урамы ябыла. 12 июндә төнгө 12-гә тиклем Вәлиди менән Киров араһы йәйәүлеләр урамына әйләнәсәк.  

Октябрь проспектында ла транспорт хәрәкәте сикләнә, 11 июндә бында байрам сараларының генераль репетицияһы үткәрелә, ошоноң арҡаһында 19.00-дән 22.00-гә тиклем 112-се йорттан алып 128-се йортҡа тиклем проспект (Көньяҡ тыҡрығынан Төньяҡ тыҡрығына тиклемге ара) ябыла.

12 июндә ошо уҡ ара 11.00-дән 13.00-гә тиклем тантаналар үткән ваҡытҡа һәм 22.00 — 23.00 араһында Ленин майҙанында байрам салюты бирелгәндә ябыласаҡ.

Өфө хакимиәте автоһәүәҫкәрҙәрҙе маршрутты алдан билдәләүҙәрен һорай.

темалар: байрам