8 декабрь, Кесе йома

07 июнь 2012 йыл, 10:01

Өфө ҡала Советы өфөлөләрҙең Ҡала көнөнә ҡарата фекерҙәрен асыҡлай

автор: Марина Шумилова

Өфө ҡала Советы өфөлөләрҙең Башҡортостандың баш ҡалаһында йола буйынса 12 июндә билдәләнеүсе Ҡала көнө тураһындағы фекерҙәрен асыҡлай. Был уңайҙан социологик һорау алыу Ҡала Советының рәсми сайтында үткәрелә.

Сайтҡа ингәндәргә, Ҡала көнөн билдәләйһегеҙме һәм дөйөм алғанда был көнгә ниндәй ҡараштаһығыҙ, тигән һорауҙарға яуап бирергә тәҡдим ителә.  Бығаса яуап биргәндәрҙең күбеһе (яҡынса 56%) Ҡала көнөнә һәм уның айҡанлы үткәрелгән сараларға ыңғай ҡарауҙарын теркәгән. Респонденттар фекеренсә, бындай байрам ошо рәүешле һәр ҡалала билдәләнергә тейеш. Шул уҡ ваҡытта һорауға яуап биреүҙә ҡатнашҡандарҙың  44 проценты Ҡала көнөн кисен ойошторолған фейерверк һәм ял итеү мөмкинлеге өсөн генә яратыуын йәшермәй.

«Башинформ» агентлығына ҡала Советының матбуғат хеҙмәтенән хәбәр итеүҙәренсә, тауыш биреүгә 12 июндән һуң йомғаҡ яһаласаҡ.

темалар: ҡала көнө