3 декабрь, Шәмбе

06 июнь 2012 йыл, 9:05

Башҡортостан аграрийҙары баҫыуҙарҙың 70 процентында химик утау үткәрҙе

автор: Ғәлиә Нәбиева

Башҡортостан аграрийҙары ауыл хужалығы культуралары сәсеүлектәрен тәрбиәләүгә төштө. Бөгөнгө көндә 828 мең гектарҙа химик утау үткәрелгән, был баҫыуҙарҙың 70 процентын тәшкил итә, тип хәбәр иттеләр БР Ауыл хужалығы министрлығының матбуғат хеҙмәтендә. Былтыр был датаға ҡарата сәсеүлектәрҙе тәрбиәләүҙе саҡ башлағайнылар.

Агротехник эштәрҙең был төрөн Архангел, Дүртөйлө, Ейәнсура, Ишембай, Ҡырмыҫҡалы, Күгәрсен, Мәләүез, Стәрлетамаҡ, Саҡмағош райондары тулыһынса тамамлаған. Баҡалы, Борай, Бөрйән, Краснокама, Нуриман, Шаран райондарында баҫыуҙарҙың һуңғы гектарҙары эшкәртелә.