10 декабрь, Шәмбе

05 июнь 2012 йыл, 12:36

Өфөлә «Александр Тюлькиндың тыуған яғында. Урал пейзаждары» күргәҙмәһе асыла

автор: Розалия Вәлиева

Шаршамбы, 6 июндә, А.Тюлькиндың мемориаль йорт-музейында йыл һайын эшләүсе «Тюлькиндың тыуған яғында. Урал пейзаждары» күргәҙмәһе асыла, тип хәбәр итте «Башинформ» агентлығына музей мөдире Финат Нәбиуллин.

Экспозицияла Өфө рәссамдарының 40-тан ашыу эше тупланған. Улар араһында – Александр Петриков, ағалы-энеле Вәғиз менән Вәкил Шәйхетдиновтар, Александр Масленников, Илдар Ғилманов, Ольга Зозуля.

Күргәҙмәне асыу тантанаһы 6 июндә 16 сәғәткә билдәләнгән. Экспозиция 31 авгусҡа ҡәҙәр эшләй.

темалар: күргәҙмәләр