7 декабрь, Шаршамбы

05 июнь 2012 йыл, 12:24

2012 йылдың биш айында Өфөләге вакансиялар йәрминкәһенә 17500 кеше килгән

автор: Галина Бахшиева

2012 йылдың тәүге биш айында үткән 29 вакансиялар йәрминкәһендә Өфөнөң 555 ойошмаһы һәм предприятиеһы ҡатнашты. Был арала улар 10 меңдән ашыу эш урыны тәҡдим итте.

«Башинформ» агентлығына Өфөнөң Халыҡты эш менән тәьмин итеү үҙәгенең Предприятиелар менән бәйләнештәр бүлеге начальнигы Ирина Турчина хәбәр итеүенсә, ағымдағы йылдың ғинуарынан майға тиклем баш ҡалалағы вакансиялар йәрминкәһенә 17500 кеше килгән. Шуларҙың ике меңгә яҡыны йәрминкәләр арҡаһында эшкә урынлашыуға өлгәшкән.

Беренсе йәйге вакансиялар йәрминкәһе Өфөлә 7 июнгә билдәләнгән һәм тулыһынса йәйге каникул осоронда йәштәрҙең ваҡытлыса мәшғүллегенә арналасаҡ.