5 декабрь, Дүшәмбе

01 июнь 2012 йыл, 12:05

«Өфө» универмагы алдындағы майҙанда балалар өсөн байрам үткәрелә

автор: "Башинформ"

1 июндә төшкө сәғәт 2-нән киске 5-кә тиклем «Өфө» универмагы алдында Халыҡ-ара балаларҙы яҡлау көнөнә арналған байрам сараһы үткәрелә. «Аркада» идара компанияһының меркетинг һәм реклама департаментынан хәбәр итеүҙәренсә, балаларҙы шаян аниматорҙар, татлы мамыҡ, попкорн, «Мосигра.Уфа» компанияһынан өҫтәлдә мауыҡтырғыс уйындар, һауа шарҙары һәм ыңғай тәьҫораттар көтә.

Ошо уҡ көндө киске 6-ла «Каруанһарай» сауҙа комплексында «Йөрәккә яҡын алып» социаль фотоһүрәттәр конкурсын асыу тантанаһы үтәсәк. Ул 2012 йылда Башҡортостан Республикаһында Имен бала саҡ һәм ғаилә ҡиммәттәрен нығытыу йылына арналған.

Йәмғиәттең иғтибарын киҫкен социаль мәсьәләләргә йәлеп итеү сараның төп маҡсаты иҫәпләнә. Был проблемалар иҫәбендә ташландыҡ балалар, инвалидтар, пенсионерҙар, ветерандарҙың проблемалары, ғаиләнең әҡлаҡи нигеҙҙәре күрһәтелгән.