6 декабрь, Шишәмбе

01 июнь 2012 йыл, 11:55

Өфө ғалимдары Рәсәйҙең Бөтә донъя сауҙа ойошмаһына инеү мәсьәләләре буйынса халыҡ-ара конференцияла ҡатнашасаҡ

автор: «Башинформ»

5-7 июндә Ҡазанда Рәсәйҙең Бөтә донъя сауҙа ойошмаһына инеү мәсьәләләре буйынса халыҡ-ара фәнни-ғәмәли конференция үтә. Татарстан баш ҡалаһына Украина, Белоруссия, Ҡаҙағстан, Мәскәү, Санкт-Петербург, Дондағы Ростов, Өфө, Киров һәм Рәсәйҙең башҡа ҡалалары вәкилдәре йыйыла. Был хаҡта «Татар-информ» агентлығы хәбәр итә.

Конференцияла ҡатнашыусылар Рәсәйҙең Бөтә донъя сауҙа ойошмаһына инеү  мәсьәләләрен тикшерәсәк. Сарала Татарстандың Ауыл хужалығы һәм аҙыҡ-түлек министрлығы вәкилдәре, Белоруссия аграр-технологик университеты, Дон дәүләт аграр университеты ғалимдары, «Агросоюз» агрохолдингы (Украина), Иҡтисад һәм хоҡуҡ институты (Ҡазан) белгестәре ҡатнаша.

Конференцияның практик өлөшөндә сарала ҡатнашыусылар ТР агросәнәғәт комплексының алдынғы хужалыҡтарына барасаҡ.