5 декабрь, Дүшәмбе

01 июнь 2012 йыл, 9:22

Йылайыр районында Балалар һабантуйы үтә

автор: Әлим Фәйезов

2 июндә Йылайыр районында, өлкәндәр өсөн һабантуйҙан тыш, быйыл Балалар һабантуйын да ойошторорға булғандар. Район хакимиәтенән хәбәр итеүҙәренсә, был көндө балаларҙы яланда әкиәт геройҙары ҡаршы аласаҡ. Сара республикала Имен бала саҡ һәм ғаилә ҡиммәттәрен нығытыу йылына һәм Халыҡ-ара балаларҙы яҡлау көнөнә ҡарата үткәрелә.

Программала төрлө милли уйындар, спорт ярыштары, күргәҙмәләр ҡаралған. Шулай уҡ байрам ҡунаҡтары сувенирҙар һатып алып, төрлө ризыҡтарҙан ауыҙ итә аласаҡ.

Дөйөм алғанда Балалар һабантуйы сараларға бай булмаҡсы, тип билдәләнеләр район хакимиәтенән.