8 декабрь, Кесе йома

31 май 2012 йыл, 16:32

Константин Толкачев Рәсәй Закон сығарыусылар советы ултырышында ҡатнаша

автор: Людмила Терновая

Башҡортостан Республикаһының Дәүләт Йыйылышы – Ҡоролтай рәйесе Константин Толкачев Рәсәй Федерацияһы Закон сығарыусылар советының беренсе ултырышында ҡатнаша, тип хәбәр иттеләр республика парламентының матбуғат хеҙмәтенән.

Федерация Советы рәйесе Валентина Матвиенко һәм Дәүләт Думаһы рәйесе Сергей Нарышкин етәкселегендәге ултырышта РФ Закон сығарыусылар советы тураһындағы Положениены раҫлау планлаштырыла.

РФ Президенты Хакимиәте етәксеһенең беренсе урынбаҫары Вячеслав Володин Рәсәйҙең бөгөнгө үҫеш осоронда дәүләт власының закон сығарыу органдары бурыстары тураһында доклад менән сығыш яһаясаҡ. Рәсәй Федерацияһы субъекттарының закондар сығарыу процесын камиллаштырыуға, шулай уҡ закондар сығарыу инициативаларын әҙерләү һәм оҙатыу системаһын формалаштырыуға айырыуса иғтибар бүленәсәк.

Ултырышта «Рәсәй Федерацияһы Федераль Йыйылышының Федерация Советын формалаштырыу тәртибе тураһында»ғы закон проектын тикшереү планлаштырыла. Шулай уҡ төбәк закон сығарыусыларының Федераль Йыйылыш етәкселегенә мөрәжәғәте ҡараласаҡ. Улар «һуғыш балалары»на социаль ярҙам сараларын булдырыу тураһында Федераль закон ҡабул итергә тәҡдим итә.