11 декабрь, Йәкшәмбе

30 май 2012 йыл, 12:50

Бәләбәйҙән күп балалы ғаиләләр «Ата-әсәлек даны» ордены менән наградланды

автор: Әлим Фәйезов

Рәсәй Президенты Владимир Путин Указы менән Башҡортостан Республикаһының Бәләбәй ҡалаһында йәшәүсе күп балалы ғаиләләр «Ата-әсәлек даны» ордены менән наградланды. Был юғары дәүләт наградаһына улар «балалар тәрбиәләүҙә һәм ғаилә ҡиммәттәрен нығытыуҙа күрһәткән хеҙмәте өсөн» лайыҡ булды, тиелә документта. Наградланыусылар – Бәләбәй ҡалаһы ҡала биләмәһенең «Үҙәк мәҙәниәт һарайы» муниципаль автономиялы мәҙәниәт учреждениеһының рус халыҡ инструменттары оркестры халыҡ коллективы дирижеры Павел Крылов һәм Бәләбәй ҡалаһы ҡала биләмәһенең «Үҙәк мәҙәниәт һарайы» муниципаль автономиялы мәҙәниәт учреждениеһының «Йылға» ансамбле халыҡ коллективы хормейстеры Зинаида Крылова; «СтройСнабСервис» яуаплылығы сикләнгән йәмғиәтенең инженер-энергетигы Владимир Щукин һәм «Бәләбәй ҡалаһының 1-се гимназияһы» муниципаль автономиялы дөйөм белем биреү учреждениеһының бейеү түңәрәге етәксеһе Надежда Щукина.