8 декабрь, Кесе йома

28 май 2012 йыл, 12:14

Хәйбулла районында ЮНЕСКО клубтарының презентацияһы үтте

автор: Марина Шумилова

Хәйбулла районында ЮНЕСКО клубтарының презентацияһы үтте. Улар Аҡъяр ауылының 2-се урта мәктәбе һәм Бүребай ауылы урта мәктәбе нигеҙендә булдырылды.

Аҡъяр мәктәбендә презентация сиктәрендә мәктәп уҡыусыларының концерты ойошторолдо, мәктәп ҡаҙаныштары тәҡдим ителде, асыҡ дәрестәр үтте.

Бүребай ауылында  фәнни-ғәмәли конференция үтте, унда Аҡъяр, Бүребай ауылдарынан, Сибай ҡалаһынан мәктәп уҡыусылары ҡатнашты. Улар экология, шулай уҡ йәштәргә социаль ярҙам мәсьәләләрен ҡуҙғатты, был көнүҙәк проблемаларҙы хәл итеү юлдарын тәҡдим итте. Конференцияла ЮНЕСКО-ның Сибайҙағы «Туғанлыҡ» клубы ағзалары ла ҡатнашты. Сарала ЮНЕСКО-ның Урал аръяғындағы клубтарының хеҙмәттәшлек итеүе тураһында ҡарар ҡабул ителде.