4 декабрь, Йәкшәмбе

25 май 2012 йыл, 13:24

«Ҡатын-ҡыҙҙар» йәрминкәһендә 600 эш урыны тәҡдим ителде

автор: Галина Бахшиева

Бөгөн Өфөлә үткән ҡатын-ҡыҙҙар өсөн вакансиялар йәрминкәһендә 600-ҙән ашыу буш эш урыны тәҡдим ителгән. Өфөнөң мәшғүллек хеҙмәтенән хәбәр итеүҙәренсә, йәрминкәлә 40-лаған күмәртәләп һәм ваҡлап сауҙа итеүсе, йәмәғәт туҡланыу предприятиелары һәм ойошмалары, ҡунаҡханалар, ресторандар ҡатнашҡан.

Йәрминкәгә дөйөм алғанда 500 кеше килгән. Уларҙың 130-ы әңгәмәләшеү үткән һәм уның һөҙөмтәһендә 90-ға яҡын кеше эшкә урынлашыуға саҡырылған.

Хәтерегеҙгә төшөрәйек, 2012 йыл башынан алып был ҡатын-ҡыҙҙарға тәғәйенләнгән дүртенсе махсус вакансиялар йәрминкәһе.

Киләһе «вакантлы» йәрминкә Өфөлә 31 майға билдәләнгән һәм дәүләткә ҡарамаған милек формаһындағы предприятиеларға арнала.