4 декабрь, Йәкшәмбе

23 май 2012 йыл, 17:41

«Өфөнөң иң яҡшы сәнәғәт предприятиеһы» конкурсында еңеүселәр билдәләнде

автор: Галина Бахшиева

Башҡортостан баш ҡалаһында 2011 йыл һөҙөмтәләре буйынса «Өфөнөң иң яҡшы сәнәғәт предприятиеһы» конкурсына йомғаҡ яһалды.

Конкурс бер нисә номинацияла үткәрелде, тип хәбәр иттеләр баш ҡала хакимиәтенең сәнәғәт бүлегенән. Улар араһында — «Предприятие – тармаҡ лидеры», «Йылдам үҫеш һәм юғары финанс һөҙөмтәлелек өсөн», «Иң яҡшы ижади коллектив» һәм башҡалар.

Еңеүсе предприятиелар араһында түбәндәгеләр бар: «Медтехника» дәүләт унитар предприятиеһы, Өфөнөң «Восход» икмәк берекмәһе, Эш кейеме комбинаты, «Уфагорсвет», «Башспирт», «Совтехстром», «Белая река» нәшриәте, «Уфимкабель» һәм «Өфө протез-ортопедия предприятиеһы» федераль дәүләт унитар предприятиеһы.