9 декабрь, Йома

23 май 2012 йыл, 17:17

Өфө Рәсәй-Италия Эш төркөмөнөң ултырышына әҙер

автор: Рәсүл Хәмиҙуллин

Өфөлә 29 майҙан 1 июнгә тиклем сәнәғәт округтары һәм бәләкәй, урта бизнес өлкәһендәге хеҙмәттәшлек буйынса Рәсәй-Италия эш төркөмөнөң ХХ ултырышына әҙерлек һәм уны үткәреү буйынса ойоштороу комитетының кәңәшмәһе үтте. Унда был сараны үткәреүгә һәм уның регламентына бәйле көнүҙәк мәсьәләләр ҡаралды.

БР Эшҡыуарлыҡ һәм туризм буйынса дәүләт комитетының матбуғат хеҙмәтендә билдәләүҙәренсә, Башҡортостан эшҡыуарҙары Рәсәй-Италия эш төркөмөнөң ултырышын ҡыҙыҡһынып көтә. Бөгөнгө көндә республиканың 40 муниципаль берәмегенән 300-ҙән ашыу эшҡыуар теркәлгән.

Хәтерегеҙгә төшөрәйек, юбилейлы ултырыш сиктәрендә тематик түңәрәк өҫтәлдәр, ике яҡлы хеҙмәттәшлек мәсьәләләре буйынса Италия менән Рәсәй эшҡыуарҙарының осрашыуҙарын үткәреү ҡаралған.