3 декабрь, Шәмбе

22 май 2012 йыл, 14:46

Өфөлә композитор Рәүеф Мортазин иҫтәлегенә мемориаль таҡтаташ асылды

автор: Ольга Мортазина

Өфөнөң Карл Маркс урамында билдәле башҡорт композиторы Рәүеф Мортазинға мемориаль таҡтаташ асылды. Сарала БР Мәҙәниәт министрлығы вәкилдәре, ижади хеҙмәткәрҙәр, Өфө мәктәптәрендә уҡыусы балалар ҡатнашты.

— Башҡорт классик музыкаһына нигеҙ һалыусы ғүмере буйына көсөргәнешле эшләгән. Халыҡ ижады өлгөләрен йыйып, ул Башҡортостан райондары буйлап бихисап фольклор экспедицияһында ҡатнашҡан, — тине мемориал төҙөү башланғысы менән сығыш яһаған БР Композиторҙар союзы рәйесе Рәит Ғайсин. – Бөтә жанрҙарҙа ла тиерлек Мортазин яҡты эҙ ҡалдырҙы.

— Рәүеф Әхмәт улы һуғышта ла ҡатнашҡан, «Мәскәүҙе обороналаған өсөн» миҙалы менән наградланған, — тип һөйләне уның дуҫы – композитор Данил Хәсәншин.

— Бөгөн бик күп матур һүҙҙәр яңғыраны, һеҙгә оло рәхмәтлемен, — тип сарала ҡатнашыусыларға мөрәжәғәт итте композиторҙың ҡыҙы Римма Мортазина. – Хәҙер беҙҙең йорт эргәһенән үтеүсе кешеләр мемориаль таҡтаташты күреп, һәр саҡ атайҙы иҫкә аласаҡ.

темалар: хәтер