5 декабрь, Дүшәмбе

16 май 2012 йыл, 15:44

Рөстәм Хәмитов Швейцария илсеһе Пьер Хельг менән осрашты

автор: Сергей Захаров

16 майҙа Башҡортостан Президенты Рөстәм Хәмитов Өфөгә «Ҙур химия» халыҡ-ара форумында ҡатнашыу өсөн килгән Швейцария Конфедерацияһының Рәсәйҙәге Ғәҙәттән тыш һәм Тулы хоҡуҡлы илсеһе Пьер Хельг менән осрашты.

Республика башлығының матбуғат хеҙмәтенән хәбәр итеүҙәренсә, осрашыуҙа, Швейцария менән Башҡортостан араһында юғары кимәлдә хеҙмәттәшлек булдырылған, шул уҡ мәлдә беҙҙең республика уны күп өлкәләрҙә киңәйтергә ниәтләй, тип билдәләнгән.

Белешмә өсөн. 2011 йыл йомғаҡтары буйынса Башҡортостан менән Швейцарияның тышҡы тауар әйләнеше 102 млн АҠШ долларынан ашып киткән. Республиканың тышҡы тауар әйләнешенең дөйөм күләмендә Швейцария 22-се урын биләй. Башҡортостанда Швейцария капиталы ҡатнашлығында ойошторолған дүрт предприятие эшләй.