4 декабрь, Йәкшәмбе

16 май 2012 йыл, 15:14

Өфөлә баш ҡаланың һәләтле балалары тәбрикләнәсәк

автор: Эльмира Сабирова

Өфөлә кесе йома, 17 майҙа, һәләтле балалар слеты үтә, уның сиктәрендә Бөтә Рәсәй мәктәп уҡыусылары олимпиадаһының муниципаль этабында еңеүселәр, шулай уҡ «Иң яҡшы мәктәп уҡыусыһы», «Иң яҡшы мәғариф учреждениеһы», «Иң яҡшы уҡытыусы» номинацияларында еңеүселәр тәбрикләнә. Фәнни-мәғлүмәт методик үҙәгенән хәбәр итеүҙәренсә, тантаналы сараға яҡынса 100 бала саҡырылған.

Һәләтле мәктәп уҡыусыларын тәбрикләү йолаһы 2010 йылда булдырылды.

Шул уҡ ваҡытта 2011-2012 уҡыу йылында Өфөнән 60 меңгә яҡын уҡыусы 21 олимпиадала ҡатнашҡан. Уларҙан 3,5 мең бала ҡала этабына үткән. 126 уҡыусы – еңеүсе, 1160 кеше призер булған.

Өфө хакимиәтенең Мәғариф идаралығы һәм Фәнни-мәғлүмәт методик үҙәге менән ойошторолған сара 15.30 сәғәттә «Новатор» балалар ижады йортонда башлана. Белешмәләр өсөн телефон: 255-04-98.