5 декабрь, Дүшәмбе

12 май 2012 йыл, 14:32

Башҡорт дәүләт филармонияһында 73-сө ижад миҙгеле тамамлана

автор: Розалия Вәлиева

14 майҙа Башҡорт дәүләт филармонияһының Ҙур залында ижад миҙгелен ябыу айҡанлы концерт үтә. Был хаҡта «Башинформ» агентлығына Башҡорт дәүләт филармонияһынан хәбәр иттеләр.

Программала – БР Милли халыҡ инструменттары оркестры (художество етәксеһе һәм дирижеры Рәмил Ғәйзуллин), Олег Ҡасимов етәкселегендәге эстрада-джаз оркестры, «Далан», «Карауанһарай» төркөмдәре сығыштары. Бынан тыш, был көндө тамашасылар алдында Фәдис Ғәниев, Лилиә Биктимерова, Нәзифә Ҡадырова, Ғәли Алтынбаев, Руслан Сәйфетдинов, Вадим Зәкиев, Айгиз Ғиззәтуллин, Әлфиә Юлсурина, Лилиә Ишемйәрова, Урал Мортазин сығыш яһаясаҡ.

Концерттың режиссеры – Илшат Фәхертдинов.

Башлана – 19 сәғәттә.