9 декабрь, Йома

11 май 2012 йыл, 13:36

Өфөлә йәштәрҙең репродуктив һаулығын һаҡлау һәм ғаиләне планлаштырыу мәсьәләләре буйынса ҡыҙыу линия ойошторола

автор: Эльмира Сабирова

17 майҙа көндөҙгө 3-тән киске 5-кә тиклем Өфөлә йәштәрҙең репродуктив сәләмәтлеген һаҡлау һәм ғаиләне планлаштырыу мәсьәләләре буйынса «Барыһы ла ваҡытында булһын» темаһына ҡыҙыу линия ойошторола. Сараны 5-се балалар поликлиникаһы ҡарамағындағы  «Йәштәргә дуҫтарса мөнәсәбәт һаҡлаусы клиника» менән берлектә  Өфө хакимиәтенең Йәштәр сәйәсәте буйынса комитеты һәм «ИНДИГО» ҡала психологик-медик-социаль оҙатыу үҙәге сығыш яһай.

Үрҙә күрһәтелгән арала (347) 223-22-11 телефоны аша йәштәрҙе ғаилә ҡороуға һәм атай-әсәй булырға әҙерләүгә, сәләмәтлеккә, ғаиләләге психологик климатҡа бәйле һорауҙар бирергә, шулай уҡ социаль-хоҡуҡи проблемалар буйынса консультациялар алырға мөмкин буласаҡ.

Ҡыҙыу линия Башҡортостан Республикаһында Имен бала саҡ һәм ғаилә ҡиммәттәрен нығытыу йылы сиктәрендә үткәрелә.

темалар: ҡыҙыу линия