6 декабрь, Шишәмбе

10 май 2012 йыл, 14:25

Йыл башынан Өфөнөң Халыҡ мәшғүллеге хеҙмәтенә 44 меңгә яҡын вакансия тәҡдим ителде

автор: Галина Бахшиева

2012 йыл башынан Өфөнөң Халыҡ мәшғүллеге хеҙмәтенә эш тәҡдим итеүселәр менән 44 меңгә яҡын вакансия тәҡдим ителде. Бөгөнгө көнгә ҡаланың вакансиялар банкында 21300-ҙән ашыу буш эш урыны тураһында мәғлүмәт бар.

«Башинформ» агентлығына Өфөнөң Халыҡ мәшғүллеге үҙәгенән хәбәр итеүҙәренсә, хеҙмәт баҙарында көсөргәнешлек коэффициенты, йәғни эшһеҙҙәр менән вакансиялар нисбәте әлеге ваҡытта 0,4 тәшкил итә. Башҡортостан баш ҡалаһында рәсми рәүештә теркәлгән эшһеҙлек кимәле – 1,45 процент.

Әлеге ваҡытта Өфөнөң Халыҡ мәшғүллеге хеҙмәтендә йәмғеһе 8500-ҙән ашыу кеше иҫәптә тора, уларҙың 8100-ҙән ашыуы – эшһеҙ.