7 декабрь, Шаршамбы

05 май 2012 йыл, 14:55

«МегаФон» «Полкташҡа шылтыратыу» акцияһын үткәрә

автор: "Башинформ"

9 майҙа Бөйөк Ватан һуғышы ветерандары Рәсәйҙең һәм яҡын сит илдәрҙең теләһә ҡайһы төбәгенә бушлай шылтырата аласаҡ – «МегаФон» компанияһы «Полкташҡа шылтыратыу» акцияһы сиктәрендә ветерандарға ошондай бүләк әҙерләгән.

Башҡортостанда был акцияла «МегаФон» компанияһының 47 салоны ҡатнаша, уларҙың 27-һе — Өфөлә, өсәүһе – Стәрлетамаҡта урынлашһа, Салауатҡа, Октябрьскийға, Нефтекамаға, Белоретҡа — икешәр салон, Туймазы, Сибай, Мәләүез, Күмертау, Ишембай, Дүртөйлө, Благовещен, Бөрө һәм Бәләбәйгә берешәр салон тура килә. Бөтөн хеҙмәтләндереү үҙәктәре лә сауҙа-күңел асыу комплекстарында йәки ҡаланың төп урамдарында урынлашҡан.

9 майҙа ветерандар операторҙың салонына килеп, «МегаФон» компанияһы хеҙмәткәрҙәренә Бөйөк Ватан һуғышында ҡатнашыусы танытмаһын күрһәтеп, полкташтарына йәки туғандарына шылтырата, уларҙы Бөйөк Еңеү менән ҡотлай ала. Ветерандарға Рәсәйҙең, БДБ һәм Балтика илдәренең теләһә ҡайһы нөктәһенә шылтыратырға мөмкинлек бирелә.