10 декабрь, Шәмбе

05 май 2012 йыл, 11:43

Өфөлә үткән санитар йомала 26 мең кеше ҡатнашты

автор: Галина Бахшиева

Биләмәләрҙе таҙартыу һәм төҙөкләндереү буйынса эко-айлыҡ сиктәрендә ойошторолған санитар йомала кисә Өфөлә 2800 кубометр сүп-сар йыйылған.

«Башинформ» агентлығына Өфө Коммуналь хужалыҡ һәм төҙөкләндереү идаралығының производство-техник бүлеге белгесе Игорь Аристов хәбәр итеүенсә, май айындағы беренсе санитар йомала 26 мең кеше ҡатнашҡан. 780 квадрат метр юл ремонтланған.

Игорь Аристов әйтеүенсә, территорияларҙы таҙартыу эштәренә 560-тан ашыу махсус техника берәмеге йәлеп ителгән. Ҡаты көнкүреш ҡалдыҡтары полигонына 220-нән ашыу рейс яһалған.

Өфө биләмәһен таҙартыу һәм төҙөкләндереү айлығы 21 майға тиклем дауам итә. 19 майҙа Башҡортостандың баш ҡалаһында яҙғы өсөнсө — һуңғы дөйөм ҡала өмәһе үткәреү планлаштырыла.