3 декабрь, Шәмбе

03 май 2012 йыл, 16:03

9 майға Өфө урамдарын байрам баннерҙары һәм видеоэкрандар биҙәйәсәк

автор: Тимур Рәхмәтуллин

9 май алдынан Өфө Еңеү символдары менән биҙәләсәк. Башҡортостандың баш ҡалаһы урамдарында лозунгылар, ҡотлауҙар һәм байрам символикаһы: Георгий таҫмаһы, йондоҙҙар, ордендар, сәскәләр төшөрөлгән баннерҙар, юл өҫтөнән тарттырылмалы һәм ябай плакаттар, видеоэкрандар урын аласаҡ.

Бөгөн Өфө хакимиәте башлығы урынбаҫары Сынтимер Баязитовтың хәбәр итеүенсә, видеоэкрандарҙа ҡотлауҙар менән киң форматлы башбиҙәктәр буласаҡ, ҡала урамдарында 140 тематик баннер, төрлө форматтағы 370 ҡағыҙ плакат, урам өҫтөнән тарттырылыусы ике яҡлы 8 плакат, юл үткәргестәрҙә ҙур күләмдәге 8 баннер ҡуйыласаҡ. Иң ҙур баннерҙың үлсәме -  3-кә 48 метр.

— Мәғлүмәт материалдарын монтажлау эштәре 5 майға ҡәҙәр тамамланасаҡ, — тине Сынтимер Баязитов.