9 декабрь, Йома

03 май 2012 йыл, 9:20

Рөстәм Хәмитов Тарих, тел һәм әҙәбиәт институтының 80 йыллығына арналған саралар тураһындағы указға ҡул ҡуйҙы

автор: Эльмира Сабирова

Башҡортостан Президенты Рөстәм Хәмитов «2012 йылда Рәсәй Фәндәр академияһы Өфө ғилми үҙәгенең Тарих, тел һәм әҙәбиәт институты федераль дәүләт бюджет учреждениеһының 80 йыллығына арналған сараларҙы әҙерләү һәм үткәреү тураһында»ғы Указға ҡул ҡуйҙы.

Республика башлығы юбилейлы саралар исемлеген һәм уларҙы ойоштороу һәм үткәреү буйынса республика ойоштороу комитеты составын раҫларға ҡушты. Уның составына Президент Хакимиәте, Хөкүмәт, министрлыҡ, ведомстволар, ғилми учреждениелар, «Башҡортостан» телерадиокомпанияһы вәкилдәре инде.  

Указға ярашлы, юбилей сараларын үткәреүгә бәйле бөтә сығымдар учреждениеның үҙенең средстволары һәм бюджеттан тыш сығанаҡтар иҫәбенә финансланырға тейеш. Указ үтәлешенә контроллек итеү Башҡортостан Президенты Хакимиәтенә йөкмәтелә.