6 декабрь, Шишәмбе

02 май 2012 йыл, 9:29

Ветерандар йәмәғәт транспортында бушлай йөрөй ала

автор: Әлфиә Шәрәфетдинова

Башҡортостанда ветерандар йәмәғәт транспортында бушлай йөрөй ала. Бөйөк Ватан һуғышында ҡатнашыусыларға «Башавтотранс» дәүләт унитар предприятиеһы шундай бүләк эшләне. Акция республикала кисә башланды һәм 10 майға тиклем дауам итәсәк. Ветерандар һәм уларға тиңләштерелгән кешеләр дәүләт предприятиеһының ҡала эсендәге, ҡала яны һәм ҡала-ара автобус маршруттарында бушлай юл йөрөү хоҡуғынан файҙалана ала. Ә Өфөлә ошо уҡ арала ветерандар трамвай һәм троллейбустарҙа ла бушлай йөрөй ала.

Юл йөрөү күләме сикләнмәгән. Бушлай билет алыу өсөн кондукторға ветеран танытмаһын күрһәтеү ҙә етә.