7 декабрь, Шаршамбы

28 апрель 2012 йыл, 12:29

Өфөлә сноуборд-парк төҙөләсәк

автор: Сергей Захаров

Өфө 2012-2013 йылдар миҙгелендә Burton сноуборд-парктары төҙөләсәк ҡалалар иҫәбенә инде.

Хәтерегеҙгә төшөрәйек, Рәсәйҙең 13 ҡалаһында Burton Parks төҙөү өсөн ике аҙна дауамында тауыш биреү алып барылды.  

Был арала ҡала халҡы менән 300-ҙән ашыу агитацион видеоролик төшөрөлдө һәм монтажланды, йөҙәрләгән ҡыҙыҡлы һәм үҙенсәлекле фото төшөрөлдө. Тауыш биреүгә бер аҙна ҡалғас, яңылыҡтар менән 15-ләгән телесюжет сығарылды. Бөтә ил буйынса еңеүгә дәғүә иткән ҡалаларҙы яҡлап акциялар үтте, унда 8 меңдән ашыу кеше ҡатнашты.

Тауыш биреү өсөн сайтҡа 5200000 кеше инеп сыҡҡан, дөйөм алғанда Рәсәйҙең төрлө ҡалаларынан 736803 кеше тауыш биргән.

Өфөнән тыш, Ҡазан, Абакан, Ижевск, Мурманск, Петропавловск-Камчатский, Южно-Сахалинск, Владивосток, Һарытау, Төмән, Барнаул, Ырымбур, Яр Саллы ҡалалары ла еңеүселәр исемлегенә ингән.