10 декабрь, Шәмбе

27 апрель 2012 йыл, 17:31

Башҡорт дәүләт аграр университетында «Студент яҙы-2012» фестиваленең һайлап алыу туры үтте

автор: Розалия Вәлиева | фото: Эльвира Исламова

Юғары уҡыу йорттары араһында йыл һайын үткәрелеүсе художестволы үҙешмәкәрлек фестиваленең икенсе этабы Башҡорт дәүләт аграр университетының Йәштәр һарайында үтте.

Үҙҙәренең сығыштарында уҡыу йорто студенттары республиканың ғына түгел, башҡа илдәрҙең дә мәҙәниәтен сағылдырырға тырышты. Сарала испан бейеүҙәре, португал йырҙары тәҡдим ителде. Шулай уҡ көнсығыш бейеүҙәре смотрҙа матур йолаға әүерелде – университеттың Эстетик тәрбиә биреү үҙәгендә махсус бүлек тә булдырылған.

Фестивалдә йәмғеһе 20-нән ашыу номер тәҡдим ителде. БДАУ исеменән конкурстың гала-концертында сығыш яһаясаҡ башҡарыусыларҙың исемдәре өсөнсө этапта, 18 майҙа, билдәле буласаҡ.